Categories: Новости

Іван Бондар заняў 6-е месца па складанню шахматных кампазіцый

Спаборніцтвы праходзілі ў сямі секцыях. Івану Бондару ўдалося 5 разоў правесці тэму “Ціхая ахвяра ферзя белых для перамогі”. Гэта значыць, што на працягу адной кампазіцыі белыя пяць разоў аддаюць свайго ферзя і ў рэшце рэшт выйграюць. Пры гэтым для чорных найлепшымі хадамі з’яўляюцца якраз тыя, якія разгледжаны ў кампазіцыі. Менавіта гэты эцюд і прынёс удачу аўтару.

У Івана Міхайлавіча было шмат канкурэнтаў – на гэты раздзел эцюдаў было прадстаўлена 86 твораў лепшых шахматных кампазітараў свету. Таму 6-е месца нашага земляка з’яўляецца значным дасягненнем, якое было ўнесена ў скарбонку зборнай Беларусі і дапамагло ёй раздзяліць 5-6 месца з Македоніяй. Калі дадаць, што раней Беларусь ніколі не знаходзілася так блізка ад прызавых месцаў, дык становіцца зразумелым, што для нашай каманды гэта пэўная вышыня.

Наперад беларусы прапусцілі расіян, якія сталі пераможцамі чацвёрты раз запар, а таксама ўкраінцаў, ізраільцян і сербаў. У спісе з 37 каманд свету, якія ўдзельнічалі ў чэмпіянаце, пасля Беларусі і Македоніі ідуць Германія, Італія, Фінляндыя і завяршае дзясятку лепшых Славакія. Радзіма шахмат Індыя займае 11-ю палоску турнірнай табліцы.

Як расказаў Іван Міхайлавіч, такія спаборніцтвы праводзяцца адзін раз у 4 – 5 гадоў завочна. Кампазітарам зборнай краіны дасылаюцца тэмы, па якіх яны ствараюць кампазіцыі і дасылаюць іх арганізатарам. Тыя выбіраюць лепшыя, прысвойваюць нумары і ў такім выглядзе (без імён аўтараў) дасылаюць у чатыры краіны свету чатыром суддзям. Тыя падводзяць вынікі і толькі пасля гэтага адкрываюцца імёны аўтараў. “Такая сістэма падсумоўвання вынікаў выключае падсуджванні”, – упэўнены Іван Міхайлавіч.

Сам ён даведаўся аб дасягненнях сваіх і зборнай краіны з паведамлення дырэктара 9-ага каманднага чэмпіянату свету (WCCT9) па шахматнай кампазіцыі Гарры Фушаксіса. “Я задаволены вынікамі нашай каманды, якія ўпершыню сталі магчымымі дзякуючы зладжаным намаганням усіх складальнікаў нашай зборнай”, – сказаў Іван Міхайлавіч і згадаў Яўгена Канстанцінавіча Белюка.

Яўген Канстанцінавіч некалі вёў у СШ № 2, дзе вучыўся Іван Бондар, шахматны гурток. Дзесьці з 6 ці 7 класа пачаў хадзіць туды малы Іванка з сябрамі. Асоба настаўніка, яго захапленне і ўменне перадаць яго дзецям прывялі да таго, што многім вучням ён прывіў любоў да шахмат. “Нездарма цяпер у раёне праводзяцца турніры імя Я.К. Белюка”, – заўважыў Іван Міхайлавіч.

З ім самім, дарэчы, гэтае захапленне засталося на ўсё жыццё. Дзякуючы яму атрымаў Іван Бондар званне майстра спорту па шахматнай кампазіцыі, станавіўся пераможцам рэспубліканскіх першынстваў і чэмпіёнам свету ў складзе зборнай СССР на 4-м камандным першынстве свету.

Даведка “ГЧ”

Шахматная кампазіцыя заснавана на сродках і правілах практычнай гульні і ўяўляе сабой незалежную форму шахматнай творчасці. Некаторыя называюць яе “паэзіяй шахмат”, таму што кампазіцыя раскрывае прыгажосць шахматных камбінацый, якія ўвесь час развіваюцца.

Біяграфічныя даныя

Бондар Іван Міхайлавіч нарадзіўся 05.05.1957 года ў г. Ганцавічы. У 1978 годзе закончыў Брэсцкі дзяржаўны педагагічны інстытут. З таго часу працуе настаўнікам матэматыкі і фізікі ў Любашаўскай БШ. Кіраўнік шахматнага гуртка СШ № 3 г. Ганцавічы, Любашаўскай БШ.

Vitalis capello__deleted__105028

Recent Posts

У Гродне пенсіянер загінуў пасля сутыкнення з раварыстам

У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…

6 часов ago

Тарифы на ЖКУ хотят менять ежеквартально

Тарифы на ЖКУ планируют индексировать каждый квартал с учётом роста доходов населения. При этом оплата…

6 часов ago

В грибах Гомельщины нашли избыток цезия

В Гомельской области можно бесплатно сдать продукты на радионуклиды. В октябре проверка продуктов из частного…

7 часов ago

Замежнік перарабіў сігнальную зброю ў агнястрэльную

У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…

7 часов ago

Через «Берестовицу» запустят новые автобусы в Польшу

В конце ноября через «Берестовицу» запустят новые автобусы в Польшу. Ежедневный рейс свяжет Гродно с…

7 часов ago

За беспилотник грозит штраф и конфискация

Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…

7 часов ago