Categories: Новости

У Міністэрстве інфармацыі “Ганцавіцкі час” чытаюць уважліва

Парушэнне міністр інфармацыі Беларусі Лілія Ананіч убачыла ў тым, што ў №8 за 18 лютага 2015 года ў выхадных даных газеты “Ганцавіцкі час” выкарыстоўваецца скарочаная назва органа рэгістрацыі газеты. У “ГЧ” указана: “зарэгістравана Міністэрствам інфармацыі РБ”, а патрэбна – “Міністэрствам інфармацыі Рэспублікі Беларусь”.

Газету «Слонімская» абвінавачваюць у тым, што ў двух лютаўскіх нумарах нібыта не быў указаны тыраж газеты. Галоўны рэдактар Уладзімір Валадашчук здзіўлены, бо, па яго словах, тыраж указаны, але не на апошняй, а на першай старонцы.

Супраць таго, што павінна выкарыстоўвацца не РБ, а поўная назва Рэспубліка Беларусь, нічога не маем супраць. Але пра гэта Мінінфарм (гэта другая афіцыйная назва, якую дазваляюць выкарыстоўваць) магло паведаміць іншым чынам: разаслаць тлумачэнне па электроннай пошце, накіраваць у прафесійныя арганізацыі журналістаў ці выкласці на сваім афіцыйным сайце.

Навошта траціць дзяржаўныя грошы на непатрэбную папяровую валакіту? Ды і з Дырэктывай Прэзідэнта Рэспублікі Беларусь №2 “Аб мерах па далейшай дэбюракратызацыі дзяржаўнага апарату” неяк гэта не пасуе.

Такой пазіцыі трымаюцца і калегі з Баранавіч. «Дастаткова было б званка з Міністэрства інфармацыі, каб мы выправілі гэта скарачэнне, калі яно на самой справе не адпавядае заканадаўству. Але Мінінфарм вырашыў вынесці менавіта афіцыйнае папярэджанне.

Прычапіцца можна і да слупа. Гэта добра вядома. І ў любой газеце можна знайсці нейкія дробныя недахопы, на падставе якіх можна паказаць сваю магутнасць і выступіць як пакаральны орган. Але з якой мэтай? ГА “Беларуская асацыяцыя журналістаў” звязвае папярэджанні з набліжэннем прэзідэнцкай выбарчай кампаніі, калі СМІ могуць у чарговы раз трапіць пад пераслед. Бо пасля атрымання двух папярэджанняў на працягу года зарэгістраванае ў Беларусі СМІ можа быць закрыта. Праўда, толькі праз суд.

Асабіста мая пазіцыя, што скарачэнне афіцыйнай назвы парушэннем не з’яўляецца, таму што грамадска-небяспечных наступстваў ці нейкай шкоды ад таго, што было напісана Міністэрства РБ, не здарылася і не магло здарыцца. Гэта проста фармальнасць. Гадоў з дзесяць “Ганцавіцкі час” у выхадных дадзеных выкарыстоўваў такое ж скарачэнне – і нічога, Цна ў другі бок не пацякла.

Звесткі ў выхадных дадзеных мы выправілі. Але папярэджанне абскардзім і будзем патрабаваць яго адмены. Таму што фармальна і Мінінфарм памылілася пры яго вынясенні. Газета “Ганцавіцкі час” хоць і друкавалася 18 лютага 2015 года ў друкарні, але дата выхаду газеты – 19 лютага, а не 18.02, як указана ў папярэджанні.

Хочацца перасцерагчы і звярнуць увагу рэдактараў дзяржаўных газет, у выхадных дадзеных якіх няма не толькі слоў “Рэспубліка Беларусь” ці скарачэння РБ, а нават Міністэрства інфармацыі не ўзгадваецца. Мае калегі-журналісты ўжо правялі маніторынг і вылічылі газеты, якія таксама могуць атрымаць папярэджанні Міністэрства інфармацыі Рэспублікі Беларусь.

Да прыкладу, выданне Адміністрацыі Прэзідэнта Рэспублікі Беларусь – газета “Рэспубліка” ў апошнім нумары за 27 лютага 2015 года наогул не ўказвае, ад каго атрымала рэгістрацыю. Тут пішуць проста: “Рэгістрацыйнае пасведчанне №4 ад 19 лютага 2009 года”.

Ёсць шэраг іншых газет з больш значнымі недахопамі. Каб не атрымаць папярэджанне, дадзеныя ім трэба неадкладна выправіць (якім выданням і што выправіць – глядзіце на фота – прыкм. аўтара).

Будзем чакаць адказу з Міністэрства інфармацыі. Але нягледзячы на вынік, рэдакцыйную палітыку, у якой галоўнымі з’яўляюцца аб’ектыўнае асвятленне падзей, плюралізм думак і інтарэсы нашых чытачоў, нават калі гэта не падабаецца камусьці з самых высокіх чыноўнікаў, мы не адступім ні пры якіх умовах.

Валентина Пинчук

Recent Posts

У Гродне пенсіянер загінуў пасля сутыкнення з раварыстам

У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…

6 часов ago

Тарифы на ЖКУ хотят менять ежеквартально

Тарифы на ЖКУ планируют индексировать каждый квартал с учётом роста доходов населения. При этом оплата…

6 часов ago

В грибах Гомельщины нашли избыток цезия

В Гомельской области можно бесплатно сдать продукты на радионуклиды. В октябре проверка продуктов из частного…

7 часов ago

Замежнік перарабіў сігнальную зброю ў агнястрэльную

У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…

7 часов ago

Через «Берестовицу» запустят новые автобусы в Польшу

В конце ноября через «Берестовицу» запустят новые автобусы в Польшу. Ежедневный рейс свяжет Гродно с…

7 часов ago

За беспилотник грозит штраф и конфискация

Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…

7 часов ago