Журналісты газеты «Ганцавіцкі час» сталі прызёрамі конкурсу «Лепшая рэгіянальная газета»

Усяго ў конкурсе прыняло ўдзел 12 рэгіянальных газет з розных рэгіёнаў Беларусі. Для ўдзелу ў  конкурсе было даслана больш 200 публікацый ад 93 журналістаў. На конкурсе было дзесяць намінацый. Па суме ўсіх намінацый пераможцам конкурсу «Лепшая рэгіянальная газета» стала «Рэгіянальная газета» з  г. Маладзечна Мінскай вобласці, якая выдаецца цалкам на беларускай мове і ахоплівае рэгіён з сямі раёнаў.

Журналісту Юліі Матусевіч журы прысудзіла 1-е месца ў намінацыі «Найлепшае журналісцкае расследаванне і зваротная сувязь».

Два дыпломы атрымаў  галоўны рэдактар «ГЧ» Пётр Гузаеўскі. Ганаровае 2-е месца было прысуджана аўтару матэрыяла ў намінацыі «Культура, гісторыя і краязнаўства», і 3-е месца Пётр Паўлавіч заняў з матэрыялам на праваабарончую тэматыку.

Ганаровае другое месца прысуджана на конкурсе і  рэдакцыі газеты «Ганцавіцкі час» за праведзеную сацыяльную акцыю «Голас Ганцаўшчыны».

Газета «Ганцавіцкі час» удзельнічае ў конкурсе ўжо трэці год запар. У 2013 годзе быў атрыманы дыплом за лепшае журналісцкае расследаванне, у 2014 годзе было ўжо заваявана два дыпломы (Дыплом другой ступені за перамогу ў намінацыі «Эканоміка і бізнес», Дыплом трэцяй ступені – за сацыяльную акцыю), сёлета атрымана чатыры ўзнагароды.Ганцаўшчыны».