Як найдаўжэй захаваць святочны букет?

Дастаньце расліны з плёнкі. Жывыя кветкі прыгожыя самі па сабе, а ўпакоўка патрэбная толькі для зручнага транспартавання.

З ніжняй часткі сцябла абарвіце лісце. Лісткі не будуць гніць, а сцяблінкі атрымаюць больш вады.

Падразайце кветкі пад струменем вады. Калі паветра трапляе ў полае сцябло, гэта скарачае жыццё кветкі.

Падразайце сцяблінкі і мяняйце ваду штодня.

Аспірын, соль ці спірт прадухіляць загніванне, а цукар працягне жыццё раслінак.

Асвяжыць букет можна, папырскаўшы раніцай халаднаватай вадой. Калі каля кветак паставіць вазу з фруктамі, яны хутчэй загінуць.

Не варта займацца кветкамі ў кепскім настроі. Даўжэй за іншыя стаяць кветкі, якія дарылі і даглядалі з любоўю.

 Матэрыял прадастаўлены “Рэгіянальнай газетай”.