Археолагі знайшлі ў Брэсцкай вобласці артэфакты узростам каля 200 тысяч гадоў

Археолагі знайшлі ў Брэсцкай вобласці артэфакты узростам каля 200 тысяч гадоў / Фото: Нацыянальная акадэмія навук

Падчас комплексных даследаванняў эпохі каменнага веку беларускія і расійскія археолагі знайшлі новыя артэфакты старажытнасці. Паводле прэс-службы Нацыянальнай акадэміі навук Беларусі, гаворка ідзе пра унікальую стаянку той эпохі. Яна месцілася побач з цяперашняй вёскай Огава.

У міжнароднай экспедыцыі разам з археолагамі Інстытута гісторыі НАН Беларусі працуюць студэнты факультэта геаграфіі і геаінфарматыкі БДУ. Таксама задзейнічаныя вучоныя Інстытута гісторыі матэрыяльнай культуры РАН (Санкт-Пецярбург) і Інстытута геаграфіі РАН (Масква).

Пра знаходкі распавёў кіраўнік экспедыцыі, навуковы супрацоўнік аддзела археалогіі першабытнага таварыства Інстытута гісторыі НАН Беларусі Аляксандр Вашанаў. Ён адзначыў, што падчас раскопак знайшлі новыя артэфакты — крэмневыя чоппер, некалькі скрэбаў і адшчэпы.

Геолагі пацвярджаюць, што ўзрост гэтага помніка — як мінімум 200 тысяч гадоў. Але цалкам верагодна, што па выніках дэталёвага вывучэння атрыманых матэрыялаў, ён будзе яшчэ больш старажытны.

“На тэрыторыі стаянкі археолагі зачысцілі разрэзы, пачалі працы па адборы ўзораў на грануламетрыю і паліналогію”, — распавялі ў прэс-службе

Стаянка каля Огава аднесена да перыяду ніжняга-ранняга сярэдняга палеаліту узростам каля 250 тысяч гадоў да нашай эры. Гэта найстаражытнейшы на тэрыторыі Беларусі і адзін з самых старажытных у межах Усходняй Еўропы.

У працэсе леташніх археалагічных работ навукоўцы знайшлі розныя крэмневыя прылады з двухбаковай апрацоўкай. Гэта былі чопперы, шматлікія формы дэбітажу, скрэблападобныя і нуклепадобныя формы.

Комплексныя даследаванні ў Іванаўскім раёне навукоўцы Інстытута гісторыі НАН Беларусі робяць разам з расійскімі калегамі. Яны вядуцца ў рамках канцэпцыі фарміравання і рэалізацыі найбольш значных нацыянальных археалагічных праектаў. Канцэпцыя была падрыхтавана па выніках наведвання 3 чэрвеня 2022 года прэм’ер-міністрам Раманам Галоўчанкам Інстытута гісторыі НАН Беларусі.

У прэс-службе адзначылі, што выбраны для навуковага вывучэння і практычнага выкарыстання ўнікальныя аб’екты па ўсёй Беларусі. Самымі маштабнымі даследаваннямі ў 2023 годзе стануць раскопкі на археалагічным комплексе на рацэ Менцы.

А вось у Брэсцкай вобласці працягнецца комплекснае вывучэнне полікультурнага археалагічнага помніка перыяду фінальнага палеаліту. Размова ідзе пра тэрыторыю ў Драгічынскім раёне – “Какорыца 4”, што аднесена да ранняга бронзавага веку.

В Березовском районе взяли под охрану стоянку древних людей