
Акцыя была прысвечана Сусветнаму дню барацьбы з цукровым дыябетам. Яна праходзіла на першым паверсе паліклінікі. Праводзілі акцыю ўрач-эндакрынолаг Зінаіда Руднікевіч, урач-валеолаг Галіна Арцёменка, медсёстры эндакрыналагічнага і прафілактычнага кабінетаў.
Як расказала Зінаіда Уладзіміраўна, падчас акцыі медыцынскія сёстры з дапамогай спецыяльнага прыбора вымяралі цукар у крыві, а таксама гутарылі з пацыентамі аб здаровым харчаванні. Менавіта дыета і стабільны рэжым харчавання дапамагаюць хворым у барацьбе з гэтай цяжкай, вымотваючай хваробай.
Падчас акцыі жадаючым распаўсюджвалі брашуры, у якіх расказвалася аб сур’ёзнасці гэтай так званай “салодкай” хваробы. Па дадзеных Сусветнай арганізацыі аховы здароўя, цукровы дыябет знаходзіцца на трэцім месцы сярод асноўных прычын смерці. Нараўне з сардэчна-сасудзістай паталогіяй і анкалогіяй дыябет называюць чумой XXI стагоддзя для ўсіх народаў і ўсіх узроставых груп.
Шмат стагоддзяў людзі не ведалі сродкаў барацьбы з хваробай, і дыягназ не пакідаў пацыенту ніякай надзеі не толькі на выздараўленне, але і на жыццё. І толькі ў 1922 годзе малады канадскі вучоны Фрэдэрык Бантынг упершыню выратаваў жыццё 14-гадоваму хлопчыку, зрабіўшы яму ін’екцыю інсуліну. Лякарства ўрач распрацаваў з калегам Чарльзам Бэстам. І хаця да гэтага часу цукровы дыябет лічыцца невылечнай хваробай, аднак цяпер яе можна трымаць пад кантролем.
Па словах Зінаіды Руднікевіч, падчас акцыі медработнікі таксама вымяралі рост, вагу і выводзілі індэкс масы цела ўсім, хто ў гэты час зайшоў у паліклініку і пажадаў праверыць свае параметры. Тым, у каго індэкс масы цела выходзіў за межы нормы, інакш кажучы, былі заўважаны прыкметы атлусцення, рэкамендавалася звярнуцца да эндакрынолага, прайсці абследаванне, каб выключыць пачатак захворвання на цукровы дыябет.
Грамадзянам, якія ўжо знаходзіцца ў ліку хворых, спецыялісты рэкамендавалі навучыцца ўспрымаць цукровы дыябет не як хваробу, а як іншы стыль жыцця. Пры разумным падыходзе многія абмежаванні нескладана адаптаваць да паўсядзённага жыцця, не згубіўшы пры гэтым яго паўнаты і разнастайнасці.
У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…
Тарифы на ЖКУ планируют индексировать каждый квартал с учётом роста доходов населения. При этом оплата…
В Гомельской области можно бесплатно сдать продукты на радионуклиды. В октябре проверка продуктов из частного…
У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…
В конце ноября через «Берестовицу» запустят новые автобусы в Польшу. Ежедневный рейс свяжет Гродно с…
Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…
This website uses cookies.
Read More