Categories: Регионы

Хор ветэранаў ГДК адзначыў юбілей

У першым радзе актавай залы ГДК размясціліся былыя ўдзельнікі хору ветэранаў, на сцэне — яго сённяшні склад на чале з кіраўніком Лідзіяй Карняйчук і акампаніятарам Вольгай Купрыянік. Павіншаваць юбіляраў прыйшлі іх сваякі, сябры, а таксама аматары песеннай творчасці.

“Без хору нельга ўявіць ніводнага буйнога раённага мерапрыемства. Ён вяртае нас у мінулае, — зазначыў падчас выступлення старшыня райвыканкама Уладзімір Столяр. — Хор — гэта асаблівая форма зносін, у якой моцныя пачуцці калектывізму, таварыства. Песня ў выкананні такога калектыву бярэ за жывое, за душу”.

Начальнік аддзела культуры Ірына Марцінкевіч успомніла, як роўна 25 гадоў назад, 7 лістапада 1986 года, яна — на той час малады кіраўнік ГДК разам з хорам хвалявалася перад першым яго выступленнем. Ірына Барысаўна і сёння беражліва захоўвае пажоўклыя спісы першых удзельнікаў і характарыстыкі на іх, асабіста ведае кожнага з сённяшніх яго спевакоў. Шчыра гучалі словы кіраўніка аддзела, адрасаваныя юбілярам: “Калі хор адпраўляецца на абласныя фестывалі, агляды, я ўпэўнена, што ён абавязкова вернецца з дыпломам”.

Творчых поспехаў і бурных апладысментаў пажадалі “віноўнікам” урачыстасці старшыня раённай ветэранскай арганізацыі Яўгенія Статкевіч, дырэктар Дзіцячай школы мастацтваў Валерый Марцінкевіч, які, дарэчы, адзначыў высокае выканаўчае майстэрства калектыву. Цёпла павіншаваў юбіляраў паэт Аляксей Галаскок, музычныя падарункі “ўручылі” салісты ГДК Ліза Шахрай і Віктар Багроў, а таксама танцавальныя калектывы гімназіі і ГДК. “Няхай заўсёды хор радуе гледача сваім бельканта — прыгожымі спевамі”, — пажадалі калегі па сцэне, музыканты духавога аркестра.

Шмат добрых слоў было выказана ў адрас таленавітага кіраўніка хору Лідзіі Іосіфаўны Карняйчук, якая ўсё жыццё прысвяціла служэнню музыцы. Не забыліся і пра імянінніка  Аляксандра Свірыда, які пяць гадоў назад віншаваў калектыў з 20-годдзем у якасці дэпутата Палаты прадстаўнікоў Нацыянальнага сходу Рэспублікі Беларусь, а цяпер сам з’яўляецца салістам хору ветэранаў.
Хвалюючым і шчымлівым сюрпрызам стала сумеснае выкананне былымі і сённяшнімі ўдзельнікамі хору песні “Чырвоны гваздзік”, з якой яны 25 гадоў таму ўпершыню выйшлі на сцэну.
Тых, каго ўжо няма сярод жывых, успомнілі пайменна, іх памяць ушанавалі мінутай маўчання.

Каля дзвюх гадзін доўжылася мерапрыемства. Прыгожа вялі праграму вядучыя Святлана Юркіна і Віктар Супрун. Гучала шмат добрых песень у выкананні хору, вакальных груп і сямейных дуэтаў.
Гледачы цёпла апладзіравалі і салістам Галіне Сіль-мановіч, Ганне Гайцюкевіч, Надзеі Рэкуновай, Надзеі Будавей, Івану Муху, Віктару Грышману…

“Усё цудоўна, толькі рэпертуар у хора сумнаваты”, — падзялілася ўражаннямі ганцаўчанка Галіна Пішч. “Прыгожа спявае хор, але хочацца, каб яго песні былі крыху весялейшымі”, — сказала і Ларыса Галаскок.
Спонсарамі юбілейных мерапрыемстваў выступалі райвыканкам, раённая арганізацыя грамадскага аб’яднання ветэранаў, аддзелы адукацыі і культуры райвыканкама, індывідуальныя прадпрымальнікі Таццяна Шуляк і Ірына Майсюк.

У падарунак ветэраны атрымалі не толькі ўрачыстае мерапрыемства на сцэне ГДК, але і вечар адпычынку ў кафэ-більярдзе — са святочнай вячэрай і танцамі, а таксама прэмію, канверт з якой уручыла кіраўніку хору начальнік аддзела культуры райвыканкама  І.Б. Марцінкевіч. Пры гэтым Ірына Барысаўна ад душы падзякавала юбілярам за тое, што яны “сваім талентам столькі гадоў радуюць гледача”.

Валентина Пинчук

Recent Posts

У Гродне пенсіянер загінуў пасля сутыкнення з раварыстам

У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…

7 часов ago

Тарифы на ЖКУ хотят менять ежеквартально

Тарифы на ЖКУ планируют индексировать каждый квартал с учётом роста доходов населения. При этом оплата…

7 часов ago

В грибах Гомельщины нашли избыток цезия

В Гомельской области можно бесплатно сдать продукты на радионуклиды. В октябре проверка продуктов из частного…

7 часов ago

Замежнік перарабіў сігнальную зброю ў агнястрэльную

У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…

8 часов ago

Через «Берестовицу» запустят новые автобусы в Польшу

В конце ноября через «Берестовицу» запустят новые автобусы в Польшу. Ежедневный рейс свяжет Гродно с…

8 часов ago

За беспилотник грозит штраф и конфискация

Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…

8 часов ago