Ці з’явіцца пясочніца па Паркавай?

Журналіст “ГЧ” звязалася з майстрам КУШВП ЖКГ “Ганцавіцкая РЖКГ” Аляксандрам Курловічам. “Калі б такая заяўка была, дык і пясочніцу б мы даўно зрабілі. Усе заяўкі ў нас фіксуюцца праз камп’ютар, але гэтай я не знайшоў, – сказаў Аляксандр Аляксандравіч. – Па Паркавай мы нядаўна ўкладвалі трубы, хутка зробім і пясочніцу. Думаю, з гэтым праблем не будзе”.

На пытанне, як трэба падаваць заяўку, каб яна была зафіксавана, Аляксандр Курловіч адказаў так: “Варта патэлефанаваць на 115, падаць пісьмовую заяву ў вытворча-тэхнічны аддзел ЖКГ”.

Пажадана таксама не проста падаваць пісьмовыя заяўкі, але і патрабаваць, каб яны рэгістраваліся на вашых вачах. Магчыма, тады не будуць узнікаць спрэчныя пытанні – была заяўка ці не.

Што ж датычыцца гэтай просьбы Надзеі Савені, агучанай праз газету, паспадзяёмся, што работнікі ЖКГ пачулі яе, і хутка дзеткі з Паркавай, 31 будуць “выпякаць” пясочныя “булкі”.