Настаўнік з Хатыніч вывучае меры вагі і даўжыні, якімі карысталіся ў старыя часы

Андрэй Андрэевіч Ярашэвіч 44 гады прапрацаваў настаўнікам у Хатынычах Ганцавіцкага раёна, але яго ведаюць далёка за межамі роднай вёскі. Ён не толькі прысвяціў сваё жыццё педагагічнай справе, але і быў шмат гадоў старастай вёскі і дэпутатам. 15 студзеня 2021 Андрэю Андрэевічу споўнілася 75 гадоў.

Пры шчыльным педагагічным графіку Ярашэвіч шмат гадоў быў дэпутатам сельсавета і райсавета. 23 гады быў старастам вёсак Хатынічы і Елавая. Усё жыццё ён шмат чытае і цікавіцца мовамі. Быў час, калі Андрэй Андрэевіч вывучаў іспанскую і арабскую мовы. Нядрэнна гаварыў па нямецку. Пра сваё сённяшняе зацікаўленне мерамі вагі і даўжыні ён кажа так:

“Чым яшчэ займацца на пенсіі? Гаспадарку паглядзелі з жонкай Надзеяй раніцай і можна сядаць за кнігі. А Надзейка за вышыўку сядае ці  за гатаванне ежы”.

Старадаўнія меры даўжыні, плошчы, аб’ёму, вагі

адзінкі даўжыні:

Вярста                    1 вярста = 500 сажань = 1,0668 км 

Сажань                    1 сажань = 3 аршыны = 2,1336 м

Аршын                    1 аршын = 16 вяршкоў = 71,12 см

Фут                         30,48 см

Вяршок                    4,445 см

Цаля                         2,54 см

Лінія                         2,54 мм

Кропка                    0,254 мм

адзінкі плошчы:

Дзесяціна              2400 квадратных сажняў = 1,0925 гектара

Адзінкі аб’ёму для вадкасцяў:

Бочка                       40 вёдраў = 491,91 л 

Вядро                       12,299 л

Чвэрць (вядра)       3,0749 л

Штоф                      0,1 вядра = 1,23 л

Адзінкі аб’ёму для сыпкіх целаў:

Чвэрць                       64 Гарнца = 209,91 дм3

Паўасьміна (мера)  8 Гарнца = 26,239 дм3

Гарнец                       3,27984 дм3

адзінкі масы:

Бярковец                    10 пудоў = 163,8 кг

Пуд                               40 фунтаў = 16,38 кг

Фунт                           32 лота = 96 залатнікоў = 409,51 г

Лот                              3 залатніка = 12,79 г

Залатнік                    96 доляй = 4,2657 г

Доля                             44,435 мг