Продкі роду Вендорфаў Ганцаўшчыну праігнаравалі

Важных гасцей з Польшчы і розных гарадоў Беларусі чакалі і рыхтаваліся загадзя: высеклі зараснікі акацый, вычысцілі і прывялі ў належны стан пліты і склепы з пахаванымі і чакалі гасцей. Планавалася, што пасля сіпозіўма, які адбыўся ў касцёле “Святой Троіцы” г. Клецк, усе госці з Варшавы, г. Глыбокае, Санкт-Пецярбурга, прыедуць на Ганцаўшчыну. Але не падлічылі свой час і планы змяніліся. Прыехалі толькі актывісты з касцёльнай парафіі Клецка.

Як расказала дырэктар Ганцавіцкага краязнаўчага музея Ала Занька, прыезд продкаў Вендорфаў звязаны з нагоды кананізацыі і прылічэння да ліку святых аднаго з роду Вендорфаў. Ала Васільеўна, паведаміла, што на могілках вёскі Ясянец знаходзіцца капліца, у якой пахаваны родзічы Вендорфаў.

“Раней там было дванадцаць пліт, на якіх было напісана хто пахаваны і калі. Але іх разрабавалі і знішчылі.  Акрамя капліцы Вендорфаў, на могілках у Ясянцы таксама размешчаны капліцы Яленскіх і Абуховічаў”, – распавяла Алла Занька.

“У гасцей быў шчыльна распісаны графік, і яны не паспелі прыехаць да нас. На могілкі ў вёску Ясянец прыехала толькі Казіміра Іосіфаўна Сарнацкая са сваімі роддзічамі. Па матчынай лініі  яна з’яўляецца сваячкай продкаў Вендорфаў. Менавіта яна адшукала, што Вендорфы пахаваны на Ганцаўшчыне, і арганізавала іх прыезд. Але, на жаль,  патомкі Вендорфаў не прыехалі ў Ясянец”, – расказала Ала Занька.

Дадедка ГЧ:

Гістарычна-біяграфічны пачатак слыннага роду Вендорфаў на землях ВКЛ і Рэчы Паспалітай. Вендорфы маюць нямецкае паходжанне. На Клецкай зямлі мелі два маёнткі, на Узнозе і ў вёсцы Галынка. Бабака Зыгмунта мела паходжанне са знакамітага роду Сангайлаў герба “Набра”.

Яна пабралася шлюбам з Зыгмунтам Вендорфам на Узнозе. У іх нарадзілася Ева – мама св.Зыгмунта Фелінскага. У чатырохгадовым узросце ў Евы памірае бацька Зыгмунт, і яна застаецца са старэйшым братам і мамай, якая пазней прадае свой маёнтак і пераязджае да старэйшага мужавага брата Адама ў вёску Галынка.

Ахрышчана Ева была ў касцёле “Святой Тройцы” у г.Клецк. Вучылася ў в ёсцы Галынка ў школе з дзецьмі простага роду. Скончыла Слуцкую гімназію  і працавала ў Клецку гувернанткай і выкладала музыку.

У 17-гадовым узросце выйшла замуж за Герарда Фялінскага і пераехала жыць да мужа на Валынь. У 1822 годзе ў іх нарадзіўся сын Зыгмунд.