У вёсцы Нача чакаюць жыхароў, але прыязджаюць пакуль толькі дачнікі

Моладзі да 18 гадоў тут усяго 10 чалавек (з іх толькі 4 школьнікі), 116 жыхароў працаздольнага ўзросту, і 60 чалавек сталага ўзросту.

За апошнія 20 гадоў, па словах жыхароў вёскі, тут шмат што змянілася, многае перастала працаваць, і самае сумнае з гэтаг, тое, што зачынілі школу і дзіцячы садок. Прычына распаўсюджаная: вёска губляе насельніцтва.

“Як касой скасілі жыхароў у вёсцы, пусцее яна. Моладзі няма, а мы свой век дажываем, – сказаў 82-гадовы Аркадзь Міхайлавіч Новік. – А вёска наша нічога, добрая, можна жыць. Ды не едуць сюды, не хочуць…”

Пра гэты сумны вынік гавораць і лічбы: по перапісу 1997 года ў Начы жыло 358 чалавек, а цяпер у ёй на 172 жыхары меней…

Старшыня Нацкага сельвыканкама Ларыса Мышкавец сказала, што вёска цяпер болей вабіць турыстаў і дачнікаў, чым карэнных жыхароў.

“І гэта дзіўна, бо і праца ў нас ёсць, і ўмовы для жыцця неблагія, – патлумачыла Ларыса Дзмітрыеўна. – Але Нача чамусьці вабіць людзей толькі як край, дзе можна пасядзець з вудай на канале, ці адпачыць ўлетку, не інакш…”

Фотарэпартаж з вёскі Нача можна паглядзець ніжэй: