Урач праігнараваў прыгавор суда

Аляксандр Л., 1976 г. н., урач установы аховы здароўя “Ганцавіцкая ЦРБ”, у 2011 годзе здзейсніў аварыю, у выніку якой нанёс цяжкія цялесныя пашкоджанні. У выніку ён быў асуджаны па ч.2 артыкула 317 Крымінальнага кодэкса Рэспублікі Беларусь. У выніку пакарання Аляксандр не меў права садзіцца за руль на працягу трох гадоў.

Аднак мужчына праігнараваў законныя патрабаванні. Сёлета 5 лістапада ён быў затрыманы за рулём аўтамабіля Мінскім спецпадраздзяленнем “Страла”. Амаль праз месяц, 4 снежня, матэрыял быў зарэгістраваны Ганцавіцкім РАУС, і 13 снежня пракурорам Ганцавіцкага раёна ўзбуджана крымінальная справа па прыкметах саставу злачынства, прадугледжанага артыкулам 417 Крымінальнага кодэкса Рэспублікі Беларусь, – “Невыкананне прыгавора суда аб пазбаўленні права займаць пэўныя пасады або займацца пэўнай дзейнасцю”.

Згодна Крымінальнаму кодэксауРБ, такое проціпраўнае дзеянне караецца штрафам ці арыштам на тэрмін да шасці месяцаў.