Categories: Новости

У Вялікіх Круговічах навальніца нарабіла бяды і пакінула без вады

Маланка ўдарыла ў электрашчыток цэнтральнай воданапорнай вежы і вывела са строю абсталяванне.

Па словах настаўніцы Круговіцкай СШ Марыі Грынёвай, каля 19 гадзін вечара, калі людзі стаялі каля пад’езда, бліснула маланка. «Яна бліснула раптоўна і азарыла ўсё неба. Навокал усё стала ярка-жоўтага колеру, а пасля грымнуў гром са страшэннай сілай, аж скалыхнулася зямля, а я схапілася за галаву і прыгнулася», – расказала Марыя Мікалаеўна.

У школе, якая знаходзіцца непадалёк ад вежы, у кабінеце фізікі пасля ўдару са сцен зваліліся стэнды і выйшаў са строю мадэм.

Наступствы навальніцы адчулі і жыхары вёскі: у многіх пагарэлі тэлевізары, тэлефоны і мадэмы. А тыя, хто карыстаўся цэнтральным водаправодам, засталіся без вады.

Вось толькі частка жыхароў з вуліцы Лясной у Круговічах адсутнасці вады не адчула – яе ў дамах №№2,4, 6, 8 і 10 не было ўжо другі тыдзень. І не па прычыне навальніцы, а таму, што прарвала водаправод.

«Я неаднаразова звяртаўся ў камунгас, потым паехаў сам і адвёз пісьмовую заяву, дзе прасіў: “Дапамажыце, калі ласка, бо сваімі сіламі мы не зможам раскапаць і ліквідаваць парыў”», – расказаў Іван Амрэйчык.

Але аказалася, што могуць справіцца кругаўцы і без экскаватара. Не дачакаўшыся рамонтнікаў з ЖКГ, мужчыны ўзяліся за лапаты і выкапалі здаравенную яму глыбінёй больш за два метры і самі адрамантавалі водаправод. Мужчынам, якія рамантавалі водаправод, не прыйшлося перакрываць воду – дапамагла стыхія. “Мы то зрабілі, але за што тады мы плацім? Няхай хоць прыедуць засыплюць”, – сказаў Іван Іванавіч.

У дзіцячым садку і школе ў аўторак была спынена работа летніх лагераў, якія пачалі працу толькі ў панядзелак. Дзяцей раніцай прыйшлося адправіць дадому. Па словах намесніка дырэктара Круговіцкай СШ Алены Мухі, згодна з санітарнымі правіламі, пры адсутнасці вады лагер працаваць не можа. “Нам абяцалі, што за двое сутак адрамантуюць і вада з’явіцца”, – сказала Алена Паўлаўна.

Але камунальнікі на гэты раз паказалі рэкордны вынік. Ужо вечарам вада з’явілася. Па дарозе з Круговічаў аўтар артыкула наведаў дырэктара ЖКГ Аляксея Галяка, які сказаў, што закуплены неабходныя дэталі і на наступны дзень вада з’явіцца. Але разумеючы, што ў многіх няма калодзежаў, Аляксей Фёдаравіч даў загад запусціць насосы ў ручным рэжыме. І ўжо каля 16-ці гадзін у Круговічах з’явілася вада. У сераду працавалі аздараўленчыя лагеры: у садзіку і школе зноў загучалі звонкія дзіцячыя галасы.

Vitalis capello__deleted__105028

Recent Posts

У Гродне пенсіянер загінуў пасля сутыкнення з раварыстам

У Гродне 78-гадовы пенсіянер памёр пасля наезду раварыста ў лесапарку «Пышкі». Аварыя на веладарожцы адбылася…

8 часов ago

Тарифы на ЖКУ хотят менять ежеквартально

Тарифы на ЖКУ планируют индексировать каждый квартал с учётом роста доходов населения. При этом оплата…

8 часов ago

В грибах Гомельщины нашли избыток цезия

В Гомельской области можно бесплатно сдать продукты на радионуклиды. В октябре проверка продуктов из частного…

9 часов ago

Замежнік перарабіў сігнальную зброю ў агнястрэльную

У доме і гаражы 53-гадовага замежніка знайшлі пісталет, два рэвальверы і патроны часоў Другой сусветнай…

9 часов ago

Через «Берестовицу» запустят новые автобусы в Польшу

В конце ноября через «Берестовицу» запустят новые автобусы в Польшу. Ежедневный рейс свяжет Гродно с…

10 часов ago

За беспилотник грозит штраф и конфискация

Гражданские беспилотники в Беларуси нельзя ввозить, хранить, приобретать, передавать или запускать без соблюдения установленных правил.…

10 часов ago