У гэтым доме ў дзясяткі разоў «паверхаў» больш, чым у райвыканкаме. І не праводзяць тут пасяджэнняў, «лятучак», планёрак, сходаў, але дзіўна – усе працуюць. І з кожным годам будуюцца тут новыя паверхі, і расце вялікая сям`я працаўнікоў...
Нечаканы і вельмі прыемны сюрпрыз – 100 мільёнаў рублёў – атрымае маладая сям`я Андрэя і Ксеніі Зялёнка. Урачыстасць, падчас якой маладыя звязалі свой лёс шлюбам, абмяняліся заручальнымі кольцамі і атрымалі падарункі ад родных, сваякоў і сяброў, адбылася ў Ганцавічах яшчэ ў пачатку жніўня. А нядаўна маладажоны праверылі латарэйныя білетаў, якія дарылі на вяселлі, і адзін з іх аказаўся з салідным выйгрышам.
Небяспечныя пасткі для аўтамабілістаў, веласіпедыстаў і пешаходаў зрабіў невядомы зламыснік пры ўездзе ў лес, што знаходзіцца непадалёк ад аб’язной дарогі каля Ганцавіч. У карэнні дрэў, якія выступаюць на лясных дарожках, нехта наўбіваў шмат велізарных завостраных цвікоў.
Мукой, цукрам, алеем, малочнымі і мяснымі прадуктамі выплачваюць частку зарплаты работнікам сельгаскааператываў Ганцаўшчыны. Калгаснікі радуюцца, а прадаўцы вясковых магазінаў скардзяцца, што на прадукты харчавання зменшыўся попыт.
На “гарачую лінію” ГЧ патэлефанавала ганцаўчанка з вуліцы Пясочнай, 4 г. Ганцавічы і расказала, што сусед трымае пчол, а ёй з-за гэтага няма жыцця. Па словах пенсіянеркі, злыя і куслівыя насякомыя сталі прычынай для парушэння добрых суседскіх адносінаў.
Шмат у нас гаворыцца пра людзей працы, ветэранаў, якія аддалі сілы і здароўе на працоўным фронце, падчас святаў дзякуюць ім з трыбун, пішуць у газетах пра клопат і падтрымку. Перыядычна работнікі сацыяльных службаў, сельсаветаў ходзяць па хатах і высвятляюць іх патрэбы, пішуць справаздачы… Толькі, на жаль, іншы раз словы разыходзяцца са справай.
Нядаўна ў краіне адзначалі дзень Кастрычніцкай Сацыялістычнай рэвалюцыі. Той, каторую ўзначаліў Ленін у 1917 годзе. І хоць цяпер не ўсе дзеці ведаюць, хто такі Ленін і якая была рэвалюцыя, вуліцу Рэвалюцыйную ў Ганцавічах, а дакладней, дарогу на гэтай вуліцы ведаюць і дарослыя, і дзеці.
Улада яшчэ не разабралася з увядзеннем падатку на “дармаедаў”, а ўсё новыя ідэі аб пошлінах і падатках, нібы чэрці з табакеркі, выскокваюць з розных міністэрскіх кабінетаў. З’яўляецца адчуванне, што мадэль “беларускага эканамічнага цуда” трашчыць па ўсіх шва і ўлада зараз займаецца мазгавым штурмам па вышуку грошай для папаўнення бюджэту.
Камень незвычайнай формы на мінулым тыдні знайшоў трактарыст СВК “Будча” Аляксандр Савеня ва ўрочышчы Худакова. Заворваючы поле трактарам, якое размяшчаецца непадалёк ад старой дарогі паміж Будчай і Чудзінам, плугамі ён зачапіў камень і выцягнуў яго на паверхню.
Адзінагалосна прагаласавалі дэпутаты Ганцавіцкага раённага Савета дэпутатаў на пазачарговай сесіі, якая прайшла ў райвыканкаме ў аўторак, 16 ліпеня, за перадачу ў арэнду вадасховішча Бобрык і тэрыторыю каля яго агульнай плошчай 33,1 га, што знаходзіцца ва ўрочышчы Ясянёва ў 8-мі кіламетрах ад в. Раздзялавічы.
У мінулыя выхадныя і 3 ліпеня прайшлі гульні 2-га і 3-га тураў чэмпіянату Ганцавіцкага раёна па футболе. У турніры выявіліся два лідары. Гэта каманды “РАЙПО” (раённае спажывецкае таварыства) і “Будаўнік” ПМК-14. Яны пакуль маюць на сваіх рахунках толькі перамогі.
Баявой нічыёй і кулачным боем запомніўся ганцаўчанам адказны матч 1-га тура цяперашніх лідэраў Усходняй зоны чэмпіянату Брэсцкай вобласці па футболе паміж ФК “Ганцавічы” і камандай “Белсолад” Іванаўскага раёна, які прайшоў у Ганцавічах 29 чэрвеня.
Доўгачаканая і прыемная навіна парадуе ганцавіцкіх аматараў футбола на гэтым тыдні. Пасля шматгадовага перапынку ў Ганцавіцкім раёне стартуе першынство чэмпіянату раёна па футболе. Удзел у турніры прымуць восем каманд, з якіх дзве з горада і шэсць з вёсак.
Незадаволенасць зарплатай і ўмовамі працы ў СВК “Крышылавічы” выказалі на мінулым тыдні жывёлаводы сельгаскааператыва з в. В. Круговічы, якія звярнуліся на “гарачую лінію” газеты “Ганцавіцкі час”. У вёску выехаў наш журналіст і на месцы высвятляў прычыны, якія турбуюць работнікаў СВК.
Амаль на суткі засталіся без электрычнасці жыхары некалькіх вуліц у вёсках Будча, Пярэвалакі, В. Круговічы і М. Круговічы. З дахаў жылых і гаспадарчых пабудоў пазрывала шыфер. Мільённыя страты панеслі жыхары, чые родзічы пахаваны на могілках за Будчай, а містычны след на адным з помнікаў здзівіў нават старажылаў вёскі.
На артыкул "Чаму забыліся пра тых, хто каваў Перамогу?" у рэдакцыю газеты "Ганцавіцкі час" прыйшоў ліст з Упраўлення па працы,занятасці сацыяльнай абароне, у якім начальнік Упраўлення Наталля Ігнатаўна Клявец лічыць, што ў артыкуле "опубликована недостоверная информация" і патрабуе новы артыкул. (Тэкст пісьма глядзіце ніжэй). Выказваю падзяку, паважанай Наталлі Ігнатаўне, што не пакінула публікацыю без увагі. Праўда, не зусім зразумела, што канкрэтна ў артыкуле было \"недостоверно\".
На мінулым тыдні 9 мая ўся Беларусь, у тым ліку і жыхары Ганцаўшчыны, адзначалі чарговую гадавіну з Дня Перамогі. Зноў гучалі бравурныя прамовы пра “даніну мужнасці і доблеснасці ўдзельнікам Вялікай Айчыннай вайны, якія разграмілі агрэсара і выратавалі краіну і свет ад фашысцкай пагрозы”. Пра тое, што “мы будзем заўсёды паважаць вялікі подзвіг франтавікоў і працаўнікоў тылу, якія кавалі перамогу”, і пра тое, што “будзем берагчы гістарычную праўду пра падзеі тых гадоў, перадаючы яе маладому пакаленню”.
На самым пачатку мая ў супрацоўнікаў рэдакцыі “Ганцавіцкага часу”, як і ў многіх тых, чый лёс звязаны з друкарскай ці выдавецкай дзейнасцю, было дзве нагоды для святкавання: 3 мая – Міжнародны дзень свабоды друку, які адзначаюць ва ўсім свеце. І беларускае прафесійнае свята – Дзень друку, які па календары святкуецца 5 мая.
У ходзе расследавання крымінальнай справы, узбуджанай 27 сакавіка 2013 года ў дачыненні да былога фармацэўта-рэцэптара Ганцавіцкай цэнтральнай аптэкі Ірыны Ш., на мінулым тыдні супрацоўнікі Следчага камітэта выявілі новыя эпізоды прысваення яшчэ больш за дзесяць мільёнаў рублёў.
Крымінальную справу па арт. 211 КК РБ (прысваенне альбо растрата) узбудзіў раённы аддзел Следчага камітэта ў дачыненні да фармацэўта-рэцэптара Ганцавіцкай цэнтральнай раённай аптэкі № 83 Ірыны Ш., якая падазраецца ў тым, што прысвоіла 9 млн 736 тыс. рублёў.
