На працягу 20 гадоў газета «Ганцавіцкі час» нясе людзям праўдзівую інфармацыю. Але са студзеня 2022 года газету фактычна забаранілі выдаваць, адмовіўшы друкаваць выданне.

Напярэдадні Новага годам мы запускаем своеасаблівую акцыю і звяртаемся да нашых верных падпісчыкаў і чытачоў з прапановай выказаць свае водгукі, меркаванні і даць ацэнку працы рэдакцыі і ролі «Ганцавіцкага часу» ў гісторыі Ганцаўшчыны.

Просім напісаць і адзначыць, што карыснага зроблена з дапамогай журналістаў ”ГЧ” і выдання. Успомніце, у рашэнні якіх пытанняў паспрыяў “Ганцавіцкі час”.

За многія гады, стараючыся для людзей, для сваёй роднай Ганцаўшчыны і краіны, спадзяёмся, што «Ганцавіцкі час» заслужыў вашай увагі і слоў у адказ.

УМОВЫ:

• Найбольш актыўных чытачоў чакаюць навагоднія падарункі.
• Для гэтага трэба даслаць свой водгук ці меркаванне пра “ГЧ”.
• Нам прыемна будзе атрымаць нават кароценькія водгукі ад вас, паважаныя чытачы! Таму можна выказаць свае адносіны ёмка, нават адным сказам.
• А можна апавядаць больш разгорнута і прывесці свае заўвагі і аргументы.

Дасылайце свае допісы любымі магчымымі спосабамі:

• на электронную пошту: iriskadom@mail.ru ці 6917685@gmail.com,
• альбо адправіць пісьмом на паштовы адрас: вул. Дзяржынскага, 26А, г. Ганцавічы, 225432, з пазначэннем “Акцыя “ГЧ”,
• альбо асабістымі паведамленнямі кожнаму з супрацоўнікаў рэдакцыі на вайбер 8-029-643-88-27 (І.Дамарацкая) ці 8-029-691-76-85 (С. Багроў).

Абавязкова пазначайце, ад каго, і зваротныя кантакты.

Калектыву рэдакцыі вашы словы падтрымкі зараз вельмі патрэбны! Пяць удзельнікаў, чые фразы ці водгукі пра “Ганцавіцкі час” будуць найбольш цікавымі, атрымаюць падарункі.

ПРЫЗЫ:

• 1. Танометр.
• 2. Парасон.
• 3. Фотаальбом.
• 4. Алмазная мазаіка.
• 5. Карціна па нумарах.

ТЭРМІНЫ:

• Даслаць водгукі патрэбна не пазней 12 студзеня 2022 года. Пяць чытачоў, якіх адзначыць рэдакцыя «ГЧ», будуць названыя 14 студзеня.