Перадвыбарчая праграма кандыдата ў дэпутаты па Баранавіцкай сельскай выбарчай акрузе №7 МАЛАШЧАНКІ Таццяны Сяргееўны

Я ўпэўнена, што нацыянальная самасвядомасць і хрысціянскія каштоўнасці і –  галоўныя складнікі незалежнасці, адраджэння і росквіту Беларусі. Некалькі год улады не могуць вывесці эканоміку з крызісу. Беларусі патрэбны перамены і рэформы, каб вярнуць нашым дзецям надзею на будучыню! 

Хто такая Таццяна Малашчанка?

Я беларуска. Па поглядах – хрысціянскі дэмакрат. Эканаміст. Маці трох дачок.  Нарадзілася ў горадзе Баранавічы ў 1968 г. Навучалася ў Санкт-Пецярбургу і Мінску ў гандлёва-эканамічных вышэйшых установах. Адукацыя вышэйшая.

Працавала (як жонка вайсковага афіцэра) ў сакрэтным справаводстве бібліятэкаркай — тапаграфісткай у Валгаградскай вобласці РФ да 2003 года. У Баранавічах  разам з мужам трымалі ўласны бізнэс — салон водаапрацоўкі «Вадзянік» да 2011 г.

Акрамя спецыяльнасцяў медсястры, мастака-афарміцеля, кіроўцы праходзіла падрыхтоўку і перападрыхтоўку кадраў на прадпрымальніка, аператара ЭВМ. Зараз выхоўваю 2 непаўнагадовых дзяцей.

Чаму балатуюся па вашай выбарчай акрузе?

Разам з іншымі хрысціянскімі дэмакратамі мы шмат зрабілі для таго, каб у нашым горадзе было зручна жыць кожнай беларускай сям’і. Зараз мы змагаемся за пашырэнне беларускамоўнага выхавання, навучання і беларускай мовы ў нашым штодзённым жыцці. 

Як вывесці Беларусь з крызіса?

Беларускія хрысціянскія дэмакраты сумесна з экспертамі, зыходзячы з досведу высокаразвітых краін свету, распрацавалі праект сыстэмных рэформаў у адукацыі, культурна-грамадскай, эканамічнай, сацыяльнай, пенсійнай сферах жыцця, у ахове здароўя, ЖКГ, па стварэнню новых працоўных месцаў ва ўмовах свабоднага рынку. Мы ўпэўненыя, што ўсю існуючую сыстэму трэба мяняць ужо зараз. 

АДУКАЦЫЯ І КУЛЬТУРА: нацыянальныя каштоўнасці і еўрапейскі напрамак

• Прыняцце Закону аб дзяржаўнай падтрымцы беларускай мовы
• Заснаваньне Нацыянальных ўнівэрсытэтаў з выкладаннем на беларускай мове;
• Павелічэнне колькасці беларускамоўных садкоў і школ
• Вяртанне гістарычных назваў вуліцам, плошчам
• Беларусізацыя Беларускага Парламенту, вяртанне гістарычнай назвы «СОЙМ»
• Вяртанне дзяржаўных гістарычных сымбаляў -герба і сцяга

НОВАЯ ЭКАНОМІКА: інвестыцыі і працоўныя месцы з годнымі заробкамі

• Прыцягненне сродкаў эмігрантаў і замежных інвестараў у новыя сектары эканомікі (ІТ індустрыя). Продаж стратных прадпрыемстваў інвестарам для мадэрнізацыі вытворчасцяў;
• Развіццё малога і сярэдняга бізнесу (адмена сертыфікатаў, існуючых штрафаў і праверак; гадавыя патэнты, найм работнікаў без абмежаванняў);
• Мінімальная падатковая нагрузка на бізнес і адмена датацый дзяржсектару, развіццё фермерскіх гаспадарак за кошт увядзення прыватнай уласнасці на зямлю для грамадзян Беларусі.

ЖКГ:  якасныя паслугі з прымальнымі тарыфамі

• Магчымасць выбару паміж прыватнай або дзяржаўнай арганізацыяй, якая абслугоўвае  дом. Канкурэнцыя знізіць кошт і павысіць якасць абслугоўвання.
• Скарачэнне чыноўнікаў у аддзелах ЖКГ  і ў міністэрстве.
• Скарачэнне бюджэтных датацый на ЖКГ. Прыватызацыя стратных лазняў, цырульняў, гатэляў і хімчыстак.

АХОВА ЗДАРОЎЯ: новае абсталяванне і якаснае лячэнне

• Адмена платных паслуг у дзяржаўных установах аховы здароўя. Развіццё прыватных медыцынскіх цэнтраў .
• Страхавая медыцына: дзяржава і прадпрыемствы размяшчаюць на рахунак кожнага грамадзяніна страхавую суму, а чалавек самастойна абірае доктара і аплачвае яго паслугі са свайго рахунку.
• Павелічэнне выдаткаў на мэдыцыну за кошт адлічэнняў у фонд абавязковага медыцынскага страхавання сродкаў ад абароту спіртных напояў, тытунёвых вырабаў, ігральнага бізнесу, штрафаў за экалагічныя парушэнні.

Каб дабіцца пераменаў, новых працоўных месцаў з годнымі заробкамі і пенсіямі, патрэбная ваша дапамога. Не дайце сфальсіфікаваць выбары — удзельнічайце ў незалежным назіранні!                                              

Кантактны тэл.:  8-029-167-34-35 , bchd.info@gmail.com