Падпісчыкі з вёскі Ганцавічы падтрымалі газету “Ганцавіцкі час”

Вясковыя жыхары газету ведаюць і любяць, многія чытаюць яе ад часу  заснавання.

“Справядлівая газета, усю праўду-матку рэжаце ў вочы, не баіцеся крытыкаваць. Дзякуй вам за гэта, – сказала пенсіянерка з вёскі Таццяна Дацэнка. – Я газету выпісваю мо з першага дня, і яна мяне ніколі не расчароўвала”.

Пачулі карэспандэнты і прапановы.

“Пішыце болей пра вяскоўцаў, бо нас незаслужана абдзяляеце. А так усё добра, я ўсім задаволены”, – сказаў пенсіянер Яўген Мешчаракоў.

Паштальёнка Зоя Мелехавец патлумачыла, што ёсць чытачы, якія выпісваюць газету, нягледзячы ні на крызіс, ні на недахоп грошай.

“Я так лічу, хто чытаў газету, той і будзе чытаць, яго нішто не пужае. І грошай такім чытачам на падпіску не шкада”, – сказала Зоя Сямёнаўна.  

Вяскоўцы ў “Дзень падпісчыка” прынялі ўдзел у бяспройгрышнай латарэі. Ім падаравалі гаспадарчыя прыналежнасці і календары з лагатыпам “Ганцавіцкага часу”.

Нагадаем, што асноўны розыгрыш прызоў адбудзецца напрыканцы студзеня. Дасылайце квіткі на падпіску 3 ці 6 месяцаў на адрас рэдакцыі газеты “Ганцавіцкі час”.