Ці лёгка быць «цяжкім»?

Вось напрыклад, у падлетка сустракаюцца цяжкасці ў школе. Замест таго, каб пайсці на дадатковыя заняткі або звярнуцца да сяброўкі па дапамогу, гэты падлетак збірае сваіх сяброў, і яны ідуць курыць або ўжываць алкаголь… Але ж чаго яны даб`юцца, калі будуць трымаць у адной руцэ цыгарэту, а ў другой – шклянку з гадасцю? Тыя ж праблемы не вырашацца самі па сабе, таму тут патрэбна дзейнічаць самому.

А з-за чаго ў моладзі пачалі праяўляцца такія паводзіны? Хто вінаваты – яны ці бацькі, якія няправільна іх выхоўваюць? Чаму дзяўчынкі – будучыя маці – не задумваюцца аб сваёй будучыні? 

Я мяркую, што на першым месцы пры  выхаванні моладзі павінны быць бацькі. Яны павінны  клапаціцца аб сваіх дзецях,  як мага больш удзяляць ім увагі.  Гэта   іх грамадзянскі абавязак. Але ж і моладзі патрэбна шукаць агульную мову пры размове з бацькамі. Патрэбна паважаць сваіх бацькоў, бо  яны цябе нарадзілі, яны твае самыя блізкія людзі на свеце. 

На другім месцы па ўздзеянні на дзяцей і падлеткаў, вядома ж, стаіць тэлебачанне і  інтэрнэт. Менавіта там можна даведацца, як здабываць, як украсці, дзе купіць наркотыкі і г.д. Што мы бачым у сучасных фільмах?   Наглядзеўшыся такіх прыкладаў забойстваў і гвалту,  падлеткі ўвасабляюць сябе на месцы тых дрэнных герояў фільма і пачынаюць дзейнічаюць. Я лічу, што менавіта гэтыя дзве крыніцы ўздзеяння поўнасцю вырашаюць лёс чалавека – яго будучыню. Менавіта з-за бацькоў,  навакольнага асяроддзя  і соцыума залежыць, кім стане  чалавек – злодзеем або добрасумленным чалавекам.

Наша сучасная моладзь лічыць, што расслабляцца можна толькі з дапамогай алкаголю, тытуню, ці курыльных сумесяў. Але гэта не так! Расслабіцца можна і з дапамогай размовы з блізкімі. Можна накіравацца ў лес з сябрамі, каб надыхацца свежым паветрам, павесяліцца – і гэта ўсё без алкаголю. Можна паслухаць любімую музыку і атрымліваць асалоду ад якасці жыцця або проста ад вясновага дзянька. Хлопцы могуць знайсці сябе ў якімсьці спорце, дзяўчаты, напрыклад, у кулінарыі. І такіх прыкладаў  шмат, як вады на ўсёй зямлі. Проста нам патрэбна правільна расходаваць свой вольны час.

Усяму на свеце ёсць рашэнне. І нават гэтай праблеме ! Якое? 

Напрыклад, вы хочаце вылучыцца,ужываючы алкаголь. Але ж вылучыцца можна і па-іншаму.   Паспрабуйце наогул не мець дрэнных звычак,  а замест алкаголю пайсці і прабегчы колькі кругоў на стадыёне ці заняцца іншым спортам. 

Пасля гэтага любы з вас зможа прыйсці ў сваю кампанію і сказаць : «Сябры, я кінуў піць і курыць гэтую гадасць. Цяпер я буду займацца спортам і буду здаровым чалавекам!» Такім чынам і Вы  вылучыліся, але без алкаголю! Глядзіш, мо і сяброў сваіх дастанеш з гэтага бруду, а калі цябе не зразумеюць, не звяртай ўвагі. Ты зрабіў свой выбар – стаў здаровым чалавекам, і  цябе чакае добрая будучыня, здоровае жыццё!

Да таго ж ты павінен радаваць усіх! Па-першае,  самых родных – бацькоў. Ты зможаш зрабіць роднай і любімай матулі прыемны сюрпрыз – проста купіш ёй кветкі, а потым зазірнеш у яе  бліскучыя вочы, поўныя шчасця і асалоды, а галоўнае, любові  да цябе. 

 Ну і як жа без самага прыемнага пачуцця на свеце – кахання? Як прыемна пераканацца ў тым, што цябе  кахаюць, і ты кахаеш тады яшчэ  мацней. Паспрабуй знайсці сваю адзіную дзяўчыну… А можа яе і зусім не трэба шукаць! Можа, тая прыгажуня з блакітнымі вачыма і доўгай касой –  твая аднакласніца, якая баіцца зрабіць першы крок.  Будзь мужчынам, зрабі крок першым. Паспытаць асолоду ад жыцця зусім не цяжка! Проста патрэбна паспрабаваць!