Хаця ў нашым Ганцавіцкім раёне і ёсць працоўныя вакансіі, людзі не спяшаюцца выкарыстаць магчымасць уладкавацца на працу. Ды гэта і зразумела: хто ж рашыцца пастаянна працаваць за 350–400 рублёў з ранку да вечара пры сённяшніх жыллёва-побытавых умовах і пры сярэдняй зарплаце ў рэспубліцы 1108 рублёў і больш?
У суботу 31 жніўня ў католікаў Ганцавіцкага прыхода адбылася вялікая ўрачыстасць: вернікі святкавалі 20-гадовы юбілей асвяшчэння касцёла Адведзінаў Найсвяцейшай Панны Марыі ў Ганцавічах. Ва ўрачыстасці прынялі ўдзел ксёндз Біскуп Пінскай дыяцэзіі Казімір Велікаселец, ксяндзы з розных парафій Беларусі, намеснікі старшыні Ганцавіцкага райвыканкама Сяргей Сарокаў і Артур Грыгаран, начальнік аддзела ідэалагічнай работы, культуры і па справах моладзі Віктар Супрун, шматлікія госці з Ляхавіцкага і Пінскага прыходаў.
Ва ўсім свеце назіраецца ўстойлівая цікавасць народаў да мінулага, імкненне максімальна захаваць сведчанні розных эпох, у тым ліку і гісторыю рэлігійнай культуры. У Ганцавічах у 90- ыя гады быў пабудаваны новы касцёл на ўзор вялікага драўлянага касцёла, які быў узведзены пасля пажару ў 1934 годзе. Будынак касцёла ўзвышаецца над нашым палескім горадам, апавяшчаючы сваімі званамі, што Бог кліча і чакае нас на супольныя малітвы і на добрыя справы праз усё наша жыццё.
Гэтай восенню ў нашым горадзе прайшлі ўжо два сельскагаспадарчыя кірмашы. Трэцяга кастрычніка і я з задавальненнем прайшлася па гандлёвым радзе, разгледзела ўсё і парадавалася вынікам працы хлебаробаў Ганцаўшчыны. Хапала ўсяго: прадаваліся бульба, капуста, яблыкі, морква, буракі, памідоры; можна было купіць мёд, маліну асенняга ўраджаю, розныя саджанцы пладовых дрэў і ягадных кустоў, шматгадовыя кветкі...
Трое сутак (16–18 кастрычніка) доўжылася паломніцтва каталіцкіх вернікаў Ганцавіцкага і Ляхавіцкага прыходаў у Польшчу да Маці Божай Чанстахоўскай. Па дарозе да Яснай Гары нашы вернікі наведалі і іншыя святыя месцы: Крыжовую Гару, санктуарый Маці Божай Балеснай у Святой Вадзе, катэдру ў Варшаве і базіліку Маці Божай Ліхэньскай. Аўтар гэтага артыкула таксама прымала ўдзел у пілігрымцы.
7 кастрычніка ў аўторак ветэраны педагагічнай працы раёна сабраліся ў 15 гадзін ў СШ №3 на “Агеньчык” з нагоды прафесійнага свята – Дня настаўніка. Раённы аддзел адукацыі райвыканкама па ініцыятыве прафсаюзнага камітэта ўжо другі год запар арганізуе такую сустрэчу для педагогаў.
У мінулую суботу, 30 жніўня, у парафіі Адведзінаў Найсвяцейшай Панны Марыі г. Ганцавічы адбылася ўрачыстасць 15-годдзя асвячэння касцёла. На ўрачыстай імшы прысутнічалі каталіцкія вернікі і іх госці, сярод якіх былі старшыня райвыканкама А.П. Саланевіч і намеснік начальніка аддзела па ідэалагічнай рабоце І.Д. Бужан, святары з іншых касцёлаў Беларусі і Польшчы. Святочную імшу правіў біскуп Пінскай дыяцэзіі Антоній Дзям’янка.
19 жніўня каля 19.00 касцельныя званы ў Ганцавічах абвясцілі аб прыбыцці ў горад каля 200 пілігрымаў, якія ўжо два дні ішлі пехатой з Баранавічаў у Лагішын, каб пакланіцца, выразіць падзяку за Божую міласэрнасць і заступніцтва Апякунцы Палесся – Маці Божай Лагішынскай, цудадзейны абраз якой знаходзіцца ў Лагішынскім касцёле.
З кветкамі, словамі падзяк і віншаванняў, са слязамі на вачах прыхаджане ганцавіцкага касцёла ў нядзелю 6 ліпеня прыйшлі на развітальную ўрачыстую імшу, якую правіў у апошні раз у Ганцавічах ксёндз Алег Шпець . Малады святар-місіянер, які на працягу сямі гадоў быў настаяцелем касцёла, атрымаў новае прызначэнне і павінен адбыць у Гродна, каб выканаць адказнае духоўнае заданне – пабудаваць там новы касцёл.
У мінулы чацвер, 19 чэрвеня, каталіцкія вернікі прайшлі з малітвамі ва ўрачыстай працэсіі па вуліцах горада. У малітвах і песнях яны праслаўлялі Бога і прасілі, каб Ганцаўшчыну абмінулі голад, пажары, неспадзяваная смерць і прыродныя стыхіі, каб панавалі сярод людзей згода, спакой і любоў. Такое ўрачыстае шэсце штогод адбываецца ў Ганцавічах з нагоды ўшанавання Найсвяцейшага Цела і Крыві Божай.
У суботу, 31 мая, адбылося парафіяльнае свята ў ганцавіцкім касцёле Адведзінаў Найсвяцейшай Дзевы Марыі. Прыняў удзел ва ўрачыстай імшы, асвяціў новапабудаваную каплічку Святога Іосіфа і падтрымаў духоўна ў гэты дзень вернікаў-католікаў ксёндз-біскуп Казімір Велікаселец, які прыбыў на свята з Пінска.
35-годдзе з дня заснаванняадзначыла літаратурнае аб’яднанне “Верасок”, якому ў 1996-ым годзе было прысвечана ганаровае званне “Узорны самадзейны калектыў”. У пятніцу, 18 кастрычніка, у зале кінатэатра “Маладосць” адбылася літаратурная вечарына, прысвечаная гэтай падзеі. На ўрачыстасць прыбыла і здымачная група Брэсцкага тэлебачання разам з пісьменнікам Міколам Пракаповічам.
Ветэраны педагагічнай працы з усіх школ Ганцаўшчыны былі запрошаны на святочны агеньчык, які ўпершыню ў такім шырокім фармаце прайшоў у памяшканні СШ №3 г. Ганцавічы ў панядзелак, 7 кастрычніка, і сабраў каля 140 былых педагогаў. Мерапрыемства з нагоды Дня настаўніка было арганізавана раённым аддзелам адукацыі, спорту і турызму сумесна з раённым камітэтам Беларускага прафсаюза работнікаў адукацыі і навукі і стала прыемным сюрпрызам для настаўнікаў-пенсіянераў.
