Кожны год свята вёскі Лактышы мае сваю непаўторную адметнасць. І на гэты раз на свяце, якое прайшло ў суботу 17-га верасня, лактышоўцаў і ўраджэнцаў вёскі, якія прыехалі з розных гарадоў і вёсак Беларусі, Украіны, Расіі, арганізатары мерапрыемства парадавалі цудоўнымі выступленнямі.
Апошнія дні, калі ўжо ідзе датэрміновае галасанне, кандыдаты ў дэпутаты парламента актывізавалі агітацыйную работу. У сераду пікет пад бел-чырвона-белымі сцягамі каля ГДК і каля магазіна "Хлебосолье" правяла Таццяна Малашчанка – асноўны канкурэнт Леаніда Цупрыка па Баранавіцкай сельскай выбарчай акрузе №7, якому многія ўжо загадзя прадказваюць месца ў дэпутатскім крэсле Авальнай залы.
Работнікі рыбгаса “Лактышы” могуць “праславіць” Ганцавіцкі раён, паставіўшы рэкорд па самым буйным крадзяжы рыбы ў Беларусі ў 2016 годзе. На мінулым тыдні супрацоўнікі Пінскага ДАІ на дарозе Ганцавічы–Лагішын каля вёскі Бобрык затрымалі дваіх работнікаў рыбгаса, якія перавозілі на асабістым аўтамабілі шэсць мяшкоў рыбы агульнай вагой 246 кілаграмаў.
Любы заядлы рыбак пазайздросціў бы ганцаўчаніну Васілію К., які ў мінулую пятніцу на вадасховішчы Лактышы, якое вядома яшчэ як возера Дзікае, умудрыўся налавіць за адзін раз 120(!) кілаграмаў рыбы. Шалёны клёў, як высветлілася, быў таму, што лавіў ганцаўчанін-браканьер сеткамі. Але сам рыбак добраму ўлову не доўга радаваўся, бо сам трапіў у “сеткі” супрацоўнікаў аховы жывёльнага і расліннага свету.
Сваіх заробленых грошай, як падарунка, чакаюць жыхары вёскі Агарэвічы, якія трымаюць кароў і здаюць малако дзяржаве. СВК “Агарэвічы” ўпершыню за апошнія гады не змог цалкам выплаціць грошы малаказдатчыкам за дзве дзесяцідзёнкі.
Новы дырэктар Ганцавіцкага КПД быў прызначаны на мінулым тыдні і 12 лістапада афіцыйна прыступіў да выканання сваіх абавязкаў. Змены кіраўніка не сталі нечаканымі – на пасаду кіраўніка прадпрыемства, як і меркавалася, прызначаны Мікалай Паўловіч. Да гэтага ён займаў пасаду начальніка ўчастка «Ганцавічы» філіяла аўтапарка №10 г. Лунінца. У мінулы чацвер на сходзе Мікалай Мікалаевіч быў прадстаўлены калектыву КПД.
Упершыню вёска Будча згадваецца ў Лiтоўскай метрыцы пад назвай Буча. У дакуменце гаворыцца, што князь Пётр Мiхайлавiч Дамадканавiч у 1515 г. прадаў “навечна” Фёдару Яраславiчу дзве вёскi, у тым лiку Бучу, за 150 коп лiтоўскiх грошай (Цэнтральны дзяржаўны архiў старажытных актаў РФ, ф. 389, воп. 1, кн.1).
Велізарную шкоду экалагічнай сітуацыі і матэрыяльныя страты нанесены пажарам, якія ахапіў больш за сотню гектараў балот на тэрыторыі Ганцавіцкага раёна. У сераду, 12 жніўня, тры верталёты авіацыі МНС і каля двухсот чалавек былі задзейнічаны на тушэнні пажараў.
Выхаванка аддзялення валейбола Ганцавіцкай СДЮШАР, вучаніца СШ №3 Ганна Леановіч годна абараніла гонар раёна і вярнулася з залатым медалём з фінальных спаборніцтваў “Рэспубліканская спартакіяда школьнікаў па валейболе сярод дзяўчат». Ганна выступала ў складзе каманды дзяўчынак Брэсцкай вобласці, якая стала чэмпіёнам Беларусі.
Пытанні і скаргі шасці жыхароў Ганцаўшчыны за дзве гадзіны асабістага прыёму грамадзян разгледзелі і паабяцалі разабрацца старшыня Камітэта дзяржаўнага кантролю Брэсцкай вобласці Дзмітрый Баско і пракурор Брэсцкай вобласці Іван Наскевіч на мінулым тыдні ў Ганцавіцкім райвыканкаме.
Каля дзевяці вечара ў аўторак на “гарачую лінію” “ГЧ” звярнулася жыхарка вёскі “Агарэвічы” , якая паведаміла, што на каняферме, каб напаіць спартыўных коней, дарослым і дзецям прыходзіцца вёдрамі за 200 метраў насіць кожны дзень амаль тону вады. І такую карціну, па словах жанчыны, яна назірае ўжо не першы дзень.
Сход па пытанні функцыянавання сельскага клуба ў вёсцы Малыя Круговічы, які планаваўся на 15 мая, не адбыўся. Жыхары вёскі, якія прыйшлі ў прызначаны час (на 12-30), як паведамлялася ў аб’яве, прадстаўнікоў райвыканкама не дачакаліся.
Дзевятнаццацігадовы хлопец, ураджэнец в. М. Круговічы, і 17-гадовая дзяўчына з вёскі Хатынічы 4 красавіка ў выніку дарожна-транспартнага здарэння трапілі ў Ганцавіцкую райбальніцу. Маладыя людзі на іншамарцы заляцелі ў меліярацыйны канал. Хлопец з траўмамі і небяспечным пашкоджаннем артэрыі быў дастаўлены ў рэанімацыйнае аддзяленне Ганцавіцкай райбальніцы. Дзяўчыну шпіталізавалі ў хірургію. Па папярэдніх дадзеных, сур’ёзныхпашкоджанняў яна не атрымала.
Размовы пра ўвядзенне збору з тых, хто не плаціць падаткі, вяліся ўжо некалькі гадоў, і новаўвядзенні не былі нечаканымі. Але Дэкрэт Прэзідэнта № 3 “Аб папярэджанні сацыяльнага ўтрыманства” , які кіраўнік дзяржавы падпісаў 2 красавіка, усё роўна стаў сенсацыяй і адной з самых важных тэм, якія абмяркоўваюць і простыя грамадзяне, і чыноўнікі. Дэкрэт атрымаў і народную назву – закон аб дармаедстве.
На мінулым тыдні Міністэрства інфармацыі Рэспублікі Беларусь вынесла папярэджанні тром рэгіянальным выданням, у тым ліку і газеце “Ганцавіцкі час”, выдаўцом якой з’яўляецца прыватнае вытворча-гандлёвае ўнітарнае прадпрыемства “Медыя-Ганцавічы”.
Справаздачны сход у СВК “Крышылавічы”, які адбыўся ў мінулую суботу ў в. Востраў, быў, як пяецца ў песні “Дзень Перамогі” – з радасцю са слязамі на вачах. Калгаснікі радаваліся, што ім выдадуць па 50 тысяч рублёў, а сумавалі, бо за невялікія зарплаты няма ахвоты працаваць.
У мінулым годзе ва ўсіх СВК Ганцаўшчыны правялі сходы ў рамках падрыхтоўкі рэарганізацыі сельскагаспадарчых вытворчых кааператываў (СВК). Праводзіцца гэтая рэформа ў сувязі з указам Прэзідэнта Рэспублікі Беларусь № 349 “Аб рэарганізацыі калгасаў сельскагаспадарчых вытворчых кааператываў”. У ім гаворыцца, што да канца 2016 года ўсе калгасы (СВК) павінны ператварыцца ў гаспадарчыя таварыствы альбо камунальныя прадпрыемствы.
Пры свечках, лямпах і пры асвятленні ад бензінавых генератараў працуюць у гэтыя дні амаль ва ўсіх сельгаскааператывах Ганцаўшчыны спецыялісты праўлення СВК. З-за няўплаты за электраэнергію электрычнасць у адміністрацыйных будынках адключылі. Запазычанасць сельгаспрадпрыемстваў раёна за электраэнергію па стане на 9 студзеня 2015 года прыбліжаецца да 6 млрд рублёў.
Жорсткія меры ў дачыненні прадпрымальнікаў і гандлёвых аб’ектаў могуць быць прыняты пасля выяўлення неабаснаванага павышэння цэн на тавары. Міністэрства гандлю Рэспублікі Беларусь на працягу некалькіх гадзін можа прыняць рашэнне і забараніць рэалізацыю тавараў у магазінах, у якіх будуць перапісваць цэннікі.
Лаўрэнцій Міхайлавіч Галуза з вёскі Дзяніскавічы, якому пайшоў ужо 78-ы год, і сёння адметны здароўем волата і тым, што мае такі працоўны стаж, якога хапіла б на некалькі чалавек. Былы старшыня Дзяніскавіцкага сельсавета Міхаіл Рулінскі, з якім зайшла размова пра цікавых людзей, якія жывуць у вёсцы, падлічыў, што столькі гадоў працоўнага стажу, колькі мае Лаўрэнцій Міхайлавіч, у Дзяніскавічах ні ў кога няма. “Дый у раёне пашукаць яшчэ трэба такога чалавека», – казаў Міхаіл Сцяпанавіч.
Экстранныя сходы ў вёсках Лактышы і Нача па пытанні здачы ў арэнду часткі ракі Лань адбыліся вечарам у аўторак 9 снежня. Пасля бурных спрэчак паміж жыхарамі Лактышоў і Начы са старшынёй райвыканкама Аляксандрам Саланевічам жыхары згадзіліся падтрымаць ідэю кіраўніка раёна і тры кіламетры ракі здаць у арэнду Ганцавіцкай раённай грамадскай арганізацыі паляўнічых і рыбаловаў.
У хуткім часе ў школах могуць дабавіць колькасць гадзін беларускай мовы. Такая навіна ўзрадавала мяне і маіх знаёмых. На жаль, некаторыя гэтым моцна абураюцца. Адзін з дыпламаваных людзей сказаў: “Белорусскую мову не люблю, она некрасивая”. Пачуўшы такое, больш не хацелася з ім гаварыць, бо гэта абраза беларусаў. Тым больш, што гэты “рюскі” беларус, так “ведае” рускую мову, што выкарыстоўвае фразы: “буряки ”, “картопля не урадила”.
У Ганцавіцкім раёне агратурыстычны бізнес толькі пачынае развівацца і афіцыйна налічвае ў раёне пакуль што тры сядзібы: “Ялінка” ў вёсцы Яловая, “55 кардон”, што размяшчаецца каля рыбгаса “Лактышы” на месцы былога піянерлагера “Чайка” і аграсядзіба “Сваяк”, якая знаходзіцца амаль у цэнтры горада на вуліцы Заслонава.
На мінулым і на пачатку гэтага тыдня злабадзённымі праблемамі для жыхароў Ганцавіч была спачатку адсутнасць гарачай вады, а пасля таго, як яе далі, людзі скардзіліся на парывы ў розных частках горада. Самы буйны парыў, з якога гарачая вада фантанам біла двое сутак, здарыўся на вуліцы Кастрычніцкай, дзе пабудаваны новыя кааператыўныя шматпавярховыя дамы.
Апошнім часам усё часцей у СМІ прадстаўнікі ўлады кажуць пра неабходнасць павышэння пенсійнага ўзросту. На мінулым тыдні кіраўнік дзяржавы пра гэта сказаў прама: “У Беларусі даўно трэба павышаць пенсійны узрост”. І дапоўніў: “Аднак вы гэтага не жадаеце. А я вам абяцаў, што, перш чым гэта рабіць, мы будзем раіцца. Але ўлічыце – такой жа будзе і пенсія».
